SKURJAW: 14' Renato; 55' Inzaghi, 62' Jankulovsk, 87' Kakà
Il-bieraħ telgħu il-poloz taċ-Champions League 2007/08. Il-Milan ġew kontra Benfica, Celtic u Shakhtar Donetsk.
Il-plejer tas-Siviglia, Antoni Puerta, miet nhar it-Tlieta 28 ta' Awissu wara li nhar is-Sibt waqt il-logħba kontra Getafe tah ħass ħażin. Min-nhar is-Sibt kien fl-ITU u l-kundizzjonijiet tiegħu marru lura fl-aħħar siegħat.
Il-Milan bdew il-Kampjonat Taljan ta' din is-sena kontra l-Genoa fejn l-aħħar logħba ta' dawn it-tnejn kienet 12-il sena ilu meta kien inqalet Vicenzo Spagnolo. B'hekk minħabba dan l-inċident is-supporters tal-Milan ma tħallewx jidħlu fil-grawnd ta' Marassi. Qabel ma bdiet il-logħba iż-żewġ captains taw bukkett fjuri lill-oħt Spagnolo, Romina.
Fl-aħħar logħba ta' ħbiberija qabel jibda l-logħob uffiċjal il-Milan rebħu għat-tielet darba konsekuttiva it-Tazza Berlusconi. Ewwel ċansijiet li kien hemm kienu min-naħa ta' Nedved u Del Piero. Il-Milan ippruva jirrispondu bil-crosses ta' Oddo li ġew mtjara mid-difiża Juventina. Wara nofs siegħa logħob il-Milan bdew iżidu fl-intensita tal-logħob. F'azzjoni li bdiet minn Favalli u wara qassam lil Ambrosini, dan ta cross tajjeb lill-Inzaghi li b'daqqa ta' ras tefa' l-ballun fix-xibka. B'hekk ir-riżultat sar Milan wieħed, Juventus xejn u ir-riżultat baqa' hekk sa tmiem l-ewwel taqsima.
Fit-tieni taqsima daħlu Cafu, Serginho e Brocchi minflok Oddo, Favalli u Gattuso. Malli bdiet il-logħba il-Milan reġgħu skurjaw permezz ta' Inzaghi. Minn korner ta' Seedorf, Criscito kemm imiss il-ballun li jtawwal it-traettorja tiegħu li jgħin lill-Inzaghi biex jerġa' jiskurja fix-xibka tal-Juventus. Dida wettaq diversi saves wara xuttijiet minn plejers tal-Juventus. B'hekk il-logħba spiċċat bi skor ta' tnejn b'xejn b'doppjetta ta' Inzaghi. Wara l-logħba saret il-premjazzjoni tat-Tazza Berlusconi lill-captian ta' Milan, Ambrosini.
Fit-tielet logħba tat-Trofeo Tim it-tim tal-Milan iltaqa' kontra l-kuġini Inter. Fil-formazzjoni Milanista Ancelotti ħalla biss 2 plejers li lagħba fl-ewwel logħba kontra l-Juventus li kienu Gattuso u Seedorf. Xutt Gourcuff kien l-ewwel xutt deviat mill-gowler ta' Inter Orlandoni fil-lasta ta' Inter. Wara l-Inter ipprovaw permezz ta' Crespo. Il-Milan komplew jippruvaw u jinsistu fl-attakkti tagħhom fejn daqqa ta' ras ta' Pippogol kienet salvata minn Orlandoni kif wkoll wara xutt b'saħħtu ta' Gourcuff laqat il-lasta. Fuq kontrattakk ta' Inter kien Recoba li sab ix-xibka. Il-Milan komplew jippruvaw jiskurjaw pero ma rnexxilhomx. B'hekk Milan spiċċaw it-tieni fit-Trofeo Tim bi 3 punti fejn Inter kellhom 5 punti u Juventus punt.
MILAN-INTER 0-1
Fit-2 logħba tat-Trofeo Tim l-Milan lagħbu kontra l-Juventus wara li fl-ewwel logħba l-Juve tilfu bil-penalities kontra l-Inter. Fil-45 minuta ta' logħob Milan u Juve kellhom diversi okkażjonijiet ta' gowls. Dida salva daqqa ta ras ta' Nedved kif wkoll wara ġie mħassar gowl ta' Palladino li iffawlja lil Oddo. Fis-26 minuta Gattuso ta pass żmarkanti lil Gilardino li waħdu quddiem Buffon ma falliex li jiskurja. Wara dan il-gowl il-Milan ippruvaw jirduppjaw permezz ta' Kakà fejn Buffon salva gowl. Il-logħba spiċċat wieħed b'xejn favur Milan. Dawn it-timijiet se jerġgħu jiltaqaw nhar il-Ġimgħa fil-Coppa Berlusconi.
It-tim tal-Milan lagħab il-logħba ta' ħbiberija li kien imissu kontra l-Betis Siviglia f'għeluq iċ-ċentinarju tagħhom fl-istadju Manuel Ruiz de Lopera. Fl-ewwel taqsima bdew tajjeb ħafna l-Betis pero wara ħames minuti il-Milan bdew ikunu konsisteni fl-attakki tagħhom. Il-plejers tal-Milan attakkaw tajjeb pero ma rnexxilhomx isibu x-xibka apparti gowl ta' Gilardino li kien imħassar minħabba li kien offside. L-ewwel taqsima spiċċat fi draw ta' mingħajr gowls.
Fit-tielet logħba ta' ħbiberija Milan iltaqaw ma' Lokomotiv Moskow fil-logħba għat-tielet post tar-Railway Cup. Din il-logħba ma tantx bdiet tajjeb ħafna għall-Milan għax fis-17-il minuta Simic skurja fix-xibka tiegħu stess u poġġa l-Milan fl-iżvantaġġ. Wara fit-22 minuta kien Kakà li reġa poġġa lill-Milan fil-logħba billi skurjaw l-ewwel gowl għall-Milan. Fil-25 minuta skurja Ivanovic u fit-42 minuta skurja Odemwingie għal-Lokomotiv u b'hekk il-Milan daħlu jistrieħu bir-riżultat 1-3 minn taħt. Fit-tieni taqsima r-ritmu tal-logħba kien wieħed nieqes ħafna u l-azzjonijiet kienu ftit. Fil-85 minuta Bonera salva lill-Milan li jaqalaw ir-raba' gowl meta qala' l-ballun minn fuq il-linja. Wara fis-87' minuta Seedorf skurja għall-Milan u warajh fid-90 minuta skurja Brocchi u ġaw ir-riżultat fi draw. Permezz ta' hekk it-timijiet marru għall-għoti tal-penalties. Din id-darba l-Milan marru tajjeb għax rebħu 4-3 fejn skurjaw Oddo, Jankulovski, Pirlo, Nesta u Brocchi.
It-tieni logħba ta' ħbiberija tal-Milan kienet kontra PSV Eindhoven f'Moska. Din il-logħba spiċċat fi draw ta' mingħajr gowls fejn iż-żewġ naħat kellhom okkażjonijiet tajbin. Peress li spiċċat draw ingħataw il-penalties fl-aħħar tal-logħba u Milan tilfu 4-3 fejn skurjaw Kakà, Serginho u Pirlo waqt li fallew il-penalites tagħhom Seedorf u Gourcuff.
